ឪពុកចិត្តតិរច្ឆាន ចាប់រំលោភកូនស្រីបង្កើតដែលមានប្ដី ជាង២០ដងនិងធ្វើទារុណកម្មយ៉ាងសាហាវឃោរឃៅ
25-May-2016 | ដោយ មែន កំសត់
ខេត្តស្វាយរៀង ៖ ប្រភពពីប្រជាពលរដ្ឋម្នាក់សុំមិនបញ្ចេញឈ្មោះបានបង្ហើបថា ករណីឪពុកបង្កើតរំលោភកូនស្រីឯងនេះ គឺស្ត្រីជាម្តាយក៏បានដឹងរឿងដែរ តែមិនហ៊ានប្តឹងសមត្ថកិច្ច ដោយត្រូវប្តីគំរាមថា «ប្រសិនបើទៅប្តឹង ឬបែកការណ៍ដឹងដល់អ្នកជិតខាង ឬសមត្ថកិច្ច គេនឹងសម្លាប់ចោលមួយពូជ» ទើបខ្លាចប្តីមិនហ៊ានប្តឹង ។ ក៏ប៉ុន្តែមហាជនដឹងគ្រប់គ្នា បានរិះគន់យ៉ាងចាស់ដៃទៅលើស្ត្រីជាម្តាយថា សមគំនិតជាមួយប្តី ដោយស្រឡាញ់ប្តីពេករហូតបាំងមុខលែងស្គាល់ខុសត្រូវ ។
គួរបញ្ជាក់ថា ឪពុកចិត្តតិរច្ឆានម្នាក់បានចាប់រំលោភកូនស្រីបង្កើតខ្លួនឯងជាច្រើន លើក និងធ្វើទារុណកម្មយ៉ាងសាហាវឃោរឃៅ រហូតកូនស្រីទ្រាំលែងបាន រត់ទៅផ្ទះអ៊ំឱ្យជួយប្តឹងសមត្ថកិច្ចចាត់ការតាមច្បាប់ ដែលហេតុការណ៍នេះបង្កភ្ញាក់ផ្អើល កាលពីវេលាម៉ោង១០ និង៣០នាទីព្រឹកថ្ងៃទី២៤ ឧសភា ២០១៦ ។
បើតាមមន្ត្រីនគរបាល ប៉ុស្តិ៍ឃុំសំឡីឱ្យដឹងថា ក្រោយពីបានទទួលពាក្យបណ្តឹងតាមទូរស័ព្ទពីជនរងគ្រោះថា ឪពុកបង្កើតរំលោភ និងគំរាមសម្លាប់នេះភ្លាម សមត្ថកិច្ចក៏ចុះទៅកន្លែងកើតហេតុ និងចាប់ឃាត់ខ្លួនជនសង្ស័យជាឪពុក បញ្ជូនមកអធិការដ្ឋាននគបាលស្រុកកំពង់រោទ៍ រួចបញ្ជូនបន្តមកស្នងការដ្ឋាននគបាលខេត្តចាត់ការតាមច្បាប់ ។
ប្រភព ដដែលបន្តថា បើតាមការសាកសួរពីក្មេងស្រីរងគ្រោះថា ឪពុកបានចាប់រំលោភប្រហែលជា២០ដងមកហើយ ចាប់តាំងពីឆ្នាំ២០១៥ មក តែនាងនៅចាំត្រឹម៤ដងប៉ុណ្ណោះ គឺនៅខែកុម្ភៈ ២០១៥ ចាប់រំលោភម្តង ។ ថ្ងៃទី២០ មីនា ២០១៥ រំលោភម្តង ។ នៅខែមេសា ២០១៦ រំលោភម្តង និងចុងក្រោយនៅថ្ងៃទី២១ ឧសភា ២០១៦ វេលាម៉ោង០២ទៀបភ្លឺ បានចាប់រំលោភម្តងទៀត និងបានធ្វើទារុណកម្មផ្លូវភេទយ៉ាងឃោឃៅ ហើយគំរាមសម្លាប់ទៀត ទើបនាងទ្រាំលែងបាន ក៏សម្រេចចិត្តរត់ទៅផ្ទះអ៊ំ ឱ្យជួយនិងប្តឹងសមត្ថកិច្ចតែម្តង ។
ក្រោយពីសមត្ថកិច្ចសួរនាំតាមជំនាញ ជនសង្ស័យក៏បានសារភាពថា ពិតជាចាប់រំលោភលើកូនស្រីបង្កើតពិតប្រាកដមែន ៕
ចំនួនអ្នកទស្សនា
- ថ្ងៃនេះ13721
- ម្សិលមិញ20231
- សប្តាហ៍នេះ92801
- ខែនេះ114681
- ឆ្នាំនេះ114681
- សរុប20557137